Dette er handverkarane og leverandørane i regionen som byggjer badstovene våre, og grunnen til at me held på same laget.
Den fyrste badstova vår, Bjørkheim Sauna, bygde me saman med Teige Nes Bygg AS, og sidan har me halde på same laget. Skal ei badstove halda på varmen og vara i generasjonar, må ein kjenna handverkarane og vita kvar materialet kjem frå. Det gjev oss korte leveringstider og mindre transport, og pengane blir verande i regionen.
Teige Nes Bygg er hovudentreprenør
Tømrar- og entreprenørfirmaet til Petter Teige Nes held til i Samnanger. Når me teiknar noko dei ikkje har bygd før, finn dei ein måte å byggja det på, anten badstova skal stå i vêrhardt kystklima eller ha ei form som krev noko ekstra av snikkaren.
Treverket kjem frå Bogelist i Holmefjord
Hjå Øystein Boge AS (Bogelist) får me alt frå panel til listverk. Familieverksemda starta med tønneproduksjon på 1940-talet, og i dag høvlar dei profilane me teiknar, i fargane og nyansane me vel. At treverket blir foredla så nær, gjev oss betre kontroll på kvaliteten, og me slepp mellomledd som fordyrar.
Omnen, golvet og bryggja
Vervik & Yndestad AS monterer omnar, røyr og det tekniske, og sørgjer for at installasjonen følgjer forskriftene. Malerfirma Kenneth Samnøen AS støyper og legg sklisikre golv. Flytebryggjene kjem frå Marinegruppen AS i Onarheim.
Veggane tek opp fukta og gjev ho frå seg att
Badstovene våre er heilisolerte, med hygroskopiske materialar gjennom heile veggen, altså materialar som tek opp fukt og slepper ho ut att når lufta blir tørrare. Det sparer energi, minskar faren for mugg og gjer at badstova kjennest lik frå dag til dag. Ei badstove som er i bruk kvar dag i norsk vêr, må halda varmen inne og fukta ute.
Når tømrarane hjå Teige Nes og treforedlarane hjå Bogelist snakkar saman, går prosjekta fortare, og me får idear me ikkje ville fått åleine.
Skrive av Erlend Klette
dagleg leiar · 30. januar 2025