Vikedal Badstove

Vikedal · Vikedal Laugarlag

Vikedal Badstove er ei universelt utforma badstove i grindabygg med slepplaft, plassert på molen i Vikedal i Vindafjord. Tiltakshavar er Vikedal Laugarlag, ein ideell organisasjon som har arbeidd med prosjektet i fleire år, og kommunen eig grunnen badstova skal stå på. Rogaland fylkeskommune har gjeve midlar øyremerkte universell utforming. Me er ansvarleg prosjekterande og ansvarleg søkjar, og leverer komplette arbeidsteikningar saman med byggjesaksarbeidet og prosjektleiing mot tømraren. Laget hadde alt prøvd ein annan veg utan å koma i mål med søknaden, og tok kontakt med oss hausten 2025. Frå oppstartsmøtet med tømraren i februar 2026 har prosjekteringa av grindabygget gått parallelt med byggjesaka.

Har de spørsmål om Vikedal Badstove, eller draum om noko liknande der de bur?