Storebø Sauna

Storebø · Austevoll IK

Storebø Sauna ligg ved Storebø Brygge på Austevoll, framfor fleire nybygde blokker i eit område med stor byggjeaktivitet dei siste åra. Ho er landbasert, vedfyrt og dimensjonert for 12 personar, og opna i januar 2025. Bygget har to ytterdører, ei frå landsida og ei direkte ut mot sjøen. Det gjev ei praktisk løysing for skiftet mellom badstove og bad, og skjermar samstundes dei badande frå blokkene som ser ned på anlegget. Slik får badstova ei roleg sone midt i den urbane konteksten. Prosjekteringa gjekk føre seg i tett samarbeid med tiltakshavar Austevoll Idrettsklubb og med grunneigaren, som tenkte heilskapleg om områdeutvikling og komande byggjetrinn. Resultatet tener både behovet idrettslaget har for eit lågterskeltilbod i kvardagen, og interessa grunneigaren har i å gje området ein varig sosial verdi i takt med utviklinga.

Har de spørsmål om Storebø Sauna, eller draum om noko liknande der de bur?