Salhus Badstove

Salhus i Bergen · Museumssenteret i Hordaland

Salhus Badstove skal liggja ved Rotholsneset badeplass på museumsområdet i Salhus i Bergen. Museumssenteret i Hordaland er tiltakshavar, og planen er at Salhus Badstulaug står for drifta. Riksantikvaren freda heile fabrikkanlegget Salhus Tricotagefabrik i 2020, strandbadet medrekna, og det legg stramme rammer for kva som kan byggjast. Me er arkitekt og ansvarleg søkjar. Badstova er teikna nøktern og underordna, og kan demonterast og fjernast utan varige spor. Reversibiliteten er ingen finesse: dispensasjon i freda anlegg blir gjeven for avgrensa periodar om gongen. Uttrykket er halde tydeleg nytt og enkelt i staden for å etterlikna fabrikkane rundt. Me la fram skisseprosjektet på folkemøte i mars 2026, og Vestland fylkeskommune gav dispensasjon etter kulturminnelova i september 2026. Byggjesøknaden er neste steg.

Har de spørsmål om Salhus Badstove, eller draum om noko liknande der de bur?