Arna Sauna

Arna Sauna flyt ved brygga på Øyrane Torg i Indre Arna, og opna 8. desember 2024. Det byrja med at forslaget til områdeplan for Indre Arna opna for badstove langs strandlina, og me tok kontakt med idrettslaget Arna-Bjørnar sommaren 2023. I dag driv laget henne på ideelt grunnlag. Me teikna badstova, skreiv søknadene om tilskot, tok byggjesaka og avtalen om brygga, og laga nettside, booking og sjølvbetent lås, som me framleis driftar for laget. Ho tek 12 personar, med badstoverom og skifterom, og er heilisolert. Kledninga er malmfuru, som held lenge og treng lite vedlikehald.